२०८० भदौ २० गते १०:२० 
२० भदौ, काठमाडौं । बुकायो साका लगातार दोस्रो वर्ष इंग्लयाण्डको वर्ष खेलाडी घोषित भएका छन् ।
मंगलबारबाट २२ वर्ष लागेका आर्सनलका विंगरले सपोर्टरको मतका आधारमा २०२१-२२ मा जितेको अवार्डलाई फेरि जित्न सफल भएका हुन् ।
मिडफिल्डर जुड बेलिङहम दोस्रो र ह्यारी केन तेस्रो स्थानमा रहे ।
साकाले इंग्ल्याण्डका लागि १० खेल खेल्दै ७ गोल गरेका हुन् । उनले ओल्ड ट्राफोर्डमा नर्थ मेसोडोनिया विरुद्ध ७-० को जितमा करियरकै पहिलो ह्याट्रिक गरेका थिए ।
गत डिसेम्बरमा कतारमा भएको फिफा विश्वकपमा साकाले इंग्ल्याण्डका लागि ३ गोल गरेका थिए ।
साकाले गत सिजन आर्सनलमा गरेको प्रदर्शनका आधारमा पीएफए युवा वर्ष खेलाडीको अवार्ड समेत जितेका थिए ।
युरो २०२४ छनोट अन्तर्गत युक्रेन विरुद्धको खेल र स्कटल्याण्ड विरुद्धको मैत्रीपूर्ण खेलका लागि साका ग्यारेथ साउथगेटको इंग्लिस टिममा समावेश छन् ।
प्रतिक्रिया 4