२०८० असोज १८ गते १८:४५ 
१८ असोज, हान्झाउ । १९औं एसियाड अन्तर्गत क्यानोइङ स्लालोम अन्तर्गत पुरुष कायाकमा नेपालका गणेश गुरुङ सेमिफाइनल चरणमा प्रवेश गरेका छन् ।
फुयाङ वाटर स्पोर्ट्स सेन्टरमा बिहीबार भएको प्रतिस्पर्धामा गणेश हिट चरण पार गर्दै सेमिफाइनल चरणमा प्रवेश गरेका हुन् ।
दुई चरणको हिटमा भएको प्रतिस्पर्धामा कूल १६ खेलाडीले प्रतिस्पर्धा गरेका थिए । १६ खेलाडी नै सेमिफाइनल प्रवेश गर्ने नियम छ ।
बिहीबार पहिलो हिट्समा १६ खेलाडीले प्रतिस्पर्धा गरेकोमा गणेश १४ औं स्थानमा थिए । त्यस हिटबाट शीर्ष ८ खेलाडी सेमिफाइनल चरणमा पुगेका थिए ।
गणेशसहित बाँकी ८ खेलाडीले दोस्रो हिटमा प्रतिस्पर्धा गरेका थिए । जसमा उनी सातौं भए ।
अब शनिबार हुने सेमिफाइनल चरणमा कूल १६ खेलाडीले प्रतिस्पर्धा गर्ने छन् । त्यसबाट शीर्ष १० खेलाडीले फाइनल चरणमा स्थान बनाउनेछन् ।
प्रतिक्रिया 4