२०८० असोज २३ गते १८:२७ 
२३ असोज, काठमाडौं । एपेक्स अन्तर कलेज प्रतियोगिताको उपाधि ब्लु बर्ड कलेजले जितेको छ । फाइनलमा फोनिक्स कलेजलाई ६ विकेटले पराजित गर्दै ब्लु बर्ड कलेज च्याम्पियन बनेको हो ।
प्रतियोगिताको विजेताले १ लाख ५० हजार पुरस्कारसहित ट्रफी जितेको छ ।
उपविजेता बनेको फोनिक्सले ७५ हजार र रनरअप ट्रफी पाएको छ ।
प्रतियोगिताको प्लेअर अफ दि सिरिज फोनिक्स कलेजका क्रिस ऐयर भए ।
उत्कृष्ट ब्याटर सेन्ट जेभियर कलेजका रुपेश बस्याल भए भने बेष्ट बलर पनि क्रिस ऐयरले नै जितेका हुन् ।
टस जितेर ब्याटिङ गरेको फोनिक्स १८.३ ओभरमा अलआउट हुँदै ६२ रन मात्र जोड्न सफल भयो ।
फोनिक्सले दिएको ६३ रनको लक्ष्य ब्लुबर्डले ४ विकेट गुमाउँदै १७.२ ओभरमा पूरा गर्यो ।
ब्लु बर्डका लागि प्रभात हाङ्खिमले सार्वधिक ३१ रन बनाउँदै अविजित रहे ।
फोनिक्सका तीव्र गतिका बलर समिर विष्टले सार्वधिक २ विकेट लिए ।
त्यसअघि ब्याटिङ गरेको फोनिक्सका लागि सुशान्त सिंह थापाले सर्वाधिक १८ रन बनाएका थिए । रविन्द्र भुसालले १२ र राजकुमार शाहले ११ रन बनाएका हुन् ।
ब्लु बर्डका लागि विपिन आर्चयले सर्वाधिक ४ विकेट लिए । अभिनास बस्यालले २ र सुवास खत्रीले १ विकेट लिए ।
प्रतिक्रिया 4