![](https://www.onlinekhabar.com/wp-content/uploads/2015/03/Thag.jpg)
१ कात्तिक, दाङ । दाङमा एक लाख रुपैयाँ लुटेर भागेको आरोपमा प्रहरीले दुईजनालाई पक्राउ गरेको छ ।
पक्राउ पर्नेमा तुलसीपुर उपमहानगरपालिका-५ निवासी २१ वर्षीय आयुष विक र सोही ठाउँ निवासी १८ वर्षीय सुनिल मगर रहेका छन् ।
बुधबार दिउँसो १ बजे तुलसीपुर उपमहानगरपालिका-८ का दिनेश वलीले बैङ्कबाट निकालेको एक लाख रुपैया विक र मगरले लुटेर भागेका थिए । घटना लगत्तै खटिएको प्रहरीले तुलसीपुर उपमहानगरपालिका-१० राइखल्यानबाट उनीहरुलाई पक्राउ गरेको इलाका प्रहरी कार्यालय तुलसीपुरले जनाएको छ ।
पक्राउ परेको दुईजनाबाट एक लाख रुपैया र एक थान मोबाइल बरामद गरिएको इप्रका तुलसीपुरका डीएसपी ठाकुर पोखरेलले बताए ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै
पुराना
लोकप्रिय
ट्रेन्डिङ
Advertisment
प्रतिक्रिया 4