सेलेव्रिटीले मनाए विजया दशमी (तस्वीर)

काठमाडौं । यसवर्षको विजया दशमी मान्यजनबाट टीका र जमरा ग्रहण गरेर लगाइएको छ । सर्वसाधारणदेखि कलाकारले मंगलबार एकअर्कालाई टीका लगाइदिएर विजया दशमी मनाएका छन् ।

भुवन केसीले छोरा तथा अभिनेता अनमोल केसीलाई टीका लगाइदिए । झरना थापाले छोरी तथा अभिनेत्री सुहाना थापालाई टीका लगाइदिइन् । पल शाहले बुबाआमाबाट टीका लगाएका छन् । अभिनेता राजेश हमालले बुधबार मात्र टीका लगाउनेछन् । यी त प्रतिनिधि कलाकार मात्र हुन् ।

सेलिव्रिटीले टीका ग्रहण गरेका तस्वीरलाई सामाजिक संजालमा सेयर गर्दै विजया दशमीको शुभकामना दिएका छन् । कतिपयले काठमाडौंमै टीका लगाए पनि कतिपय दशैं मनाउन जन्मथलोमा पुगेका छन् ।

तस्वीर : सामाजिक संजाल