२०८० कात्तिक १३ गते १८:१८ 
१३ कात्तिक, काठमाडौं । टी–२० विश्वकप क्रिकेट छनोटमा ओमान र हङकङ विजयी भएका छन् ।
आज सोमबार भएका खेलमा समूह एको ओमानले मलेसियालाई ३२ रनले हरायो ।
पहिला ब्याटिङ गरेको ओमानले २० ओभरमा ६ विकेट गुमाउँदै १५३ रन बनाएको थियो ।
१५४ रनको लक्ष्य पछ्याएको मलेसियाले २० ओभरमा ८ विकेट गुमाएर १२१ रन मात्र बनाउन सक्यो ।
समूह एकै पहिलो खेलमा नेपालले सिंगापुरमाथि ८ विकेटको जित हात पारेको थियो ।
यस्तै समूह बीको खेलमा हङकङले कुवेतलाई १६ रनले पराजित गर्यो ।
मुलपानीमा पहिला ब्याटिङ गरेको हङकङले २० ओभरमा ६ विकेट गुमाएर १६६ रन बनाएको थियो ।
१६७ रनको लक्ष्य पछ्याएको कुवेतले ८ विकेट गुमाएर १५० रन मात्र बनाउन सक्यो ।
यो समूहको पहिलो खेलमा यूएईले बहराइनमाथि ५ विकेटको जित निकालेको थियो ।
प्रतिक्रिया 4