पूजा महतोको कप्तानीमा महोत्तरीको टिम

१६ मंसिर, काठमाडौं । प्रधानमन्त्री कप महिला टी–२० प्रतियोगिताको छनोट खेलका लागि मधेश प्रदेश अन्तर्गत महोत्तरी जिल्लाले पूजा महतोको कप्तानीमा टिम घोषणा गरेको छ ।

नेपाली महिला टिमकी अलराउन्डर पूजाले राष्ट्रिय टिममा डेब्यू गरेदेखि राम्रो प्रदर्शन गर्दै आएकी छन् । १ पुसदेखि काठमाडौंमा हुने प्रधानमन्त्री कप महिला टी–२० प्रतियोगिताका लागि खेलाडी छनोट गर्न मधेशले छनोट खेल सञ्चालन गर्दैछ । त्यसकै लागि महोत्तरीले पूजाको कप्तानीमा १५ सदस्यीय टोली घोषणा गरेको हो ।

मधेश प्रदेश क्रिकेट संघले छनोट खेलपछि मधेशको टोलीको टुंगो लाग्ने बताएको छ ।

*यसअघिको समाचारमा भूलवश प्रधानमन्त्री कपका लागि मधेशको टिम घोषणा उल्लेख भएकाले सच्याइएको छ ।