३ माघ, काठमाडौं । बागमती प्रदेशका स्पीनर सूर्य तामाङले फेरि एक पटक उत्कृष्ट प्रदर्शन गरेपछि प्रधानमन्त्री कप क्रिकेटमा विभागीय क्लब त्रिभुवन आर्मी क्लब ९७ रनमा अलआउट भएको छ ।
मूलपानी क्रिकेट मैदानमा टस जितेर ब्याटिङको निर्णय लिएको आर्मी २७.१ ओभरमा ९७ रन बनाउँदै अलआउट भएको हो ।
आर्मीका लागि कप्तान विनोद भण्डारीले सर्वाधिक २८ रन बनाए । भीम सार्कीले १८ रन बनाए भने विवेक यादव ११ रनमा अविजित रहे । अन्य कुनै ब्याटरले भने दोहोरो अंकमा रन बनाउन सकेनन् । सोमपाल कामी र कुशल मल्लले खाता नै खोल्न सकेनन् ।
हिजो मंगलबारको खेलमा मधेश प्रदेशविरुद्ध ६ विकेट लिएका सूर्यले आर्मीविरुद्ध ५ विकेट लिए । उनले भीम सार्की, कुशल मल्ल, वसिर अहमद, सन्दीप रजाली र साहब आलमलाई आउट पारेका हुन् ।
प्रतिक्रिया 4