यस्तो छ आज तरकारीको बजार मूल्य (सूचीसहित)

७ माघ, काठमाडौं । आइतबार प्रायः तरकारीको मूल्य घटेको कालीमाटी फलफूल तथा तरकारी बजार विकास समितिले जनाएको छ ।

समितिका अनुसार काउली, बन्दा, हरियो साग, हरियो खुर्सानी जस्ता तरकारीको मूल्य घट्दा आलु, प्याज, गोलभेंडाको मूल्य भने स्थिर छ ।

हरियो सागको मूल्य प्रतिकेजी १० रुपैयाँले घटेर ३५ रुपैयाँमा कारोबार हुँदा स्थानीय काउलीको मूल्य प्रतिकेजी ५ रुपैयाँले घटेर ३५ रुपैयाँ केजीमा कारोबार भइरहेको छ ।

लोकल बन्दा केजीमा १० रुपैयाँले घटेर २५ रुपैयाँ कायम भएको छ । यस्तै हरियो लसुन केजीमा २१ रुपैयाँ घटेर ९५ रुपैयाँमा झरेको छ । शनिबार हरियो प्रतिकेजी लसुनको मूल्य ११६ रुपैयाँ तोकिएको थियो ।

यस्तै हरियो खुर्सानी केजीमा १ रुपैयाँ घटेर ५५ रुपैयाँमा कारोबार भइरहेको छ ।

आइतबार आलुको प्रतिकेजी मूल्य ३७ रुपैयाँ निर्धारण गरिएको छ । शनबिार पनि आलु सोही मूल्यमा कारोबार भएको थियो ।
यस्तै भारतीय सुकेको प्याजको प्रतिकेजी मूल्य ८० रुपैयाँ तोकिएको छ । यो मूल्य शनिबार निर्धारण गरिएकै मूल्य हो ।

नेपाली ठूलो गोलभेंडाको मूल्य पनि स्थिर छ । यसको औसत मूल्य प्रतिकेजी ५५ रुपैयाँ छ । यस्तै गाजरको मूल्य पनि स्थिर छ । प्रतिकेजी ३७ रुपैयाँ तोकिएको छ ।

कन्य च्याउ प्रतिकेजी १३३ र डल्ले च्याउ ३२६ रुपैयाँमा कारोबार भइरहेको छ । कागतीको मूल्य स्थिर रहँदा प्रतिकेजी मूल्य १८० रुपैयाँ तोकिएको छ ।

हेर्नुहोस् मूल्य सूची :

स्रोत : कालीमाटी फलफूल तथा तरकारी बजार विकास समिति