२०८० माघ १८ गते १७:२७ 
१८ माघ, काठमाडौं । प्रधानमन्त्री कप राष्ट्रिय क्रिकेट प्रतियोगितामा अपराजित रहेको नेपाल पुलिस क्लबले लिगको अन्तिम खेलमा सुदूरपश्चिम प्रदेशलाई हराएको छ ।
लिग चरणमा शतप्रतिशत जित निकालेको पुलिसले सुदूर पश्चिमलाई ७८ रनको फराकिलो अन्तरले हरायो । सुदूर पश्चिमलाई जिताउन दीपेन्द्रसिंह ऐरी एक्लैले ७ विकेट लिए ।
मूलपानीमा जितका लागि १९९ रनको लक्ष्य पछ्याएको सुदूरपश्चिम ३७.३ ओभरमा १२० रनमा अलआउट भयो ।
सुदूरपश्चिमका लागि गजेन्द्र बोहराले ३० तथा किरण ठगुन्ना र नरेन साउदले समान २४ रन बनाए । नरेन नटआउट रहे ।
यसअघि मूलपानीमा पहिला ब्याटिङ गरेको पुलिस ४७.५ ओभरमा १९८ रनमा अलआउट भएको थियो ।
पुलिसका लागि शंकर रानाले ४६ तथा कप्तान दीपेन्द्रसिंह ऐरीले ४४ रन बनाए ।
सुदूरपश्चिमका शेर मल्लले ३ तथा नारायण जोशी, विकाश अग्री र मिलन बोहोराले समान २ विकेट लिए ।
प्रतिक्रिया 4