![](https://www.onlinekhabar.com/wp-content/uploads/2024/02/UML-Samsadiya-dal-Kp-oli-1024x624.jpg)
२१ माघ, काठमाडौं । नेकपा एमालेले युद्धग्रस्त देशहरुमा रहेका नेपालीलाई फर्काउन सरकारसँग माग गरेको छ ।
हिजो र आज बसेको संसदीय दलको बैठकले युद्धग्रस्त देशहरुमा रहेका नेपालीलाई फर्काउने प्रभावकारी कदम चाल्न माग गर्ने निर्णय गरेको हो ।
प्रमुख सचेतक पदम गिरीका अनुसार, बैठकले युवा पलायन रोक्नेगरी कार्यक्रम ल्याउन सरकारसँग माग गर्ने निर्णय समेत गरेको छ ।
बैठकले पार्टीका सांसदहरुलाई निर्देशनात्मक सुझाव पनि दिएको छ । संसद् र संसदीय समितिको बैठकमा नियमित उपस्थित हुन सांसदहरुलाई निर्देशन दिएको प्रमुख सचेतक गिरीले बताए ।
सँगै, कानुन निर्माण, संविधान कार्यान्वयन, सामाजिक न्याय, सुशासन, समृद्धि र राष्ट्रय हितका एजेण्डामा प्रभावकारी रुपमा संसदमा प्रस्तुत हुन पनि एमालेले निर्देशन दिएको छ ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै
पुराना
लोकप्रिय
ट्रेन्डिङ
Advertisment
प्रतिक्रिया 4