२०८० फागुन ७ गते १४:०६ 
७ फागुन, काठमाडौं । फ्रान्स तथा प्रेन्च क्लब पेरिस सेन्ट जर्मेन (पीएसजी) का फरवार्ड केलिएम एमबाप्पेले यसअघि नै स्पानिस क्लब रियल मड्रिडसँग सम्झौता गरिसकेको मार्काले जनाएको छ ।
एमबाप्पेले रियलसँग यसअघि नै गोप्य रुपमा सम्झौता गरेको र आगामी पाँच सिजन रियलमा बस्ने मार्काले दाबी गरेको छ ।
यसबारेमा एम्बाप्पेले पीएसजी र रियल दुवैलाई जानकारी नगराएको डेली मेल स्पोर्ट्सले जनाएको छ ।
एमबाप्पेले रियलमा १५ देखि २० मिलियन कमाउनेछन् र यसमा बोनस पनि थपिनेछ ।
एमबाप्पे र रियलबीच केही हप्ताअघि नै गोप्य रुपमा सहमति भएको र यसका लागि रियलका अध्यक्ष फ्लोरेन्टिनो पेरेजको दाहिने हातका रुपमा रहेका जोस एल्जल सान्चेजको भूमिका रहेको मार्काले जनाएको छ ।
रियलले लामो समयदेखि एमबाप्पेमा नजर राखिरहेको थियो भने एमबाप्पेले पनि रियल जान चाहिरहेका थिए । केही समयअघि एमबाप्पेले पीएसजी छाड्ने जानकारी गराएको खबर समेत सार्वजिनक भएको थियो ।
यदी एमबाप्पे रियलमा अनुबन्ध भए उनी त्यहाँ धेरै कमाउने फुटबलर हुनेछन् । अहिले जुड बेलिङघमले रियलमा सर्वाधिक कमाइ गर्नेछन् ।
प्रतिक्रिया 4