२०८० फागुन ११ गते १५:५४ 
११ फागुन, काठमाडौं । नेपाली राष्ट्रिय फुटबल टिमका गोलकिपर किरण चेम्जोङ दम्पतीलाई पुत्र लाभ भएको छ ।
उनले श्रीमती कञ्चन निरौलाले मेडसिटी अस्पतालमा छोरालाई जन्म दिएको सामाजिक सञ्जालमार्फत सार्वजनिक गरेका छन् ।
नवजात शिशु र पत्नीसहितको तस्वीर राख्दै किरणले फेसबुबमा लेखेका छन्, ‘तपाईंहरु सबैको माया र आशीर्वादका लागि धन्यवाद ! हाम्रो सुन्दर संसारलाई खुसी बनाउँदै खुशीको सानो बन्डल आइपुगेको छ, यो संसारमा स्वागत छ हाम्रो जुनियर !’
लामो समय प्रेम सम्बन्धमा रहेका उनीहरुले २०७९ भदौमा विवाह गरेका थिए ।
प्रतिक्रिया 4