१५ फागुन, काठमाडौं । माथिल्लो तामाकोशीको लिलामी सेयर खरिदका लागि भन्दै रकम भुक्तानी गरेका सयौंले अझै रकम फिर्ता पाएका छैनन् । बिक्री प्रवन्धक लक्ष्मी सनराइज क्यापिटलले रकम फिर्तामा ढिलाइ गर्दा आवेदकले रकम फिर्ता नपाएका हुन् ।
हकप्रद निष्कासनमा नबिकेको सेयर पुस १३ देखि २९ गतेसम्म लिलामी बिक्रीका लागि आवेदन खोलिएको थियो । सो लिलामी सेयर नपाउनेहरुलाई क्यापिटलले माघ २२ गतेदेखि रकम फिर्ता प्रक्रिया थालेको थियो ।
तर कतिपयको बैंक खाता नम्बर र विवरण नमिलेकाले आईपीएसमार्फत रकम फिर्ता हुन नसकेको क्यापिटलले सार्वजनिक सूचनामार्फत जनाएको छ । आईपीएसबाट रकम फिर्ता हुन नसकेकाहरुलाई अर्को ४–५ दिनपछि नै चेकमार्फत फिर्ता गर्न सकिने भए क्यापिटलको ढिलाइले ३ साता समय लम्बिएको छ । कम्पनीका अनुसार हालसम्म रकम फिर्ता हुन नसकेकाहरुलाई बुधबार (फागुन १६)देखि रकम फिर्ता हुनेछ ।
‘उपत्यकाभित्र नागरिक लगानी कोषमा बुझाएकाहरुको हकमा कोषको कार्यालय नयाँ बानेश्वरबाट तथा लक्ष्मी सनराइज क्यापिटलमा बुझाएकाहरुको हकमा क्यापिटलको कार्यालय कमलपोखरीबाट चेक बुझ्न अनुरोध गरिन्छ’ क्यापिटलले भनेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4