२०८० फागुन २० गते १०:०८ 
२० फागुन, काठमाडौं । भिनिसियस जुनियरले दुई गोल गरेपछि शीर्ष स्थानको रियल मड्रिडले स्पानिस ला लिगामा भ्यालेन्सियासँग २-२ को बराबरी खेलेको छ । दुई गोलले पछि परेको स्थितिमा रियलले दुई गोल गर्दै पुनरागमन बराबरी गरेको हो ।
ह्युगो डुरोले २७औं र रोमन यारेमचुकले ३०औं मिनेटमा गोल गरेपछि भ्यालेन्सियाले पहिलो आधा घण्टामै २-० को अग्रता बनाएको थियो । तर रियलले पुनरागमन गर्यो ।
भिनिसियसले पहिलो हाफको इन्जुरी टाइममा गोल गर्दै रियललाई खेलमा फर्काए । त्यसपछि भिनिसियसले नै ७६औं मिनेटमा रियलका लागि दोस्रो गोल गरे ।
खेलको इन्जुरी टाइममा रियलका जुड बेलिङघहम रातो कार्डको सामना गर्दै मैदानबाट बाहिरिएका थिए ।
जितपछि रियलले २७ खेलबाट ६६ अंक जोडेको छ र दोस्रो स्थानको जिरोनामाथि ७ अंकको अग्रता बनाएको छ । जिरोनाको २६ खेलबाट ५९ अंक छ ।
ला लिगाकै अन्य खेलमा सेभियाले रियल सोसिडाडलाई ३-२ ले हरायो भने राया भालेकानो र काडिजले १-१ तथा गेटाफे र लस पलमसले ३-३ को बराबरी खेले ।
प्रतिक्रिया 4