धुम्रपान छोड्नासाथ स्वास्थ्यमा कस्तो प्रभाव देखिन्छ ?

हालै गरिएको एक अध्ययनअनुसार चुरोटमा हुने हानिकारक रसायनले मुटुको कार्यप्रणालीलाई नराम्ररी असर गर्ने जनाएको छ । चुरोटको धुवाँमा विभिन्न किसिमका हानिकारक रसायन हुन्छन्, जुन श्वासप्रश्वासको क्रममा रगतमा मिसिन पुग्छ । यसले कार्डियोमास्कुलर प्रणालीलाई असर गर्छ र रगत जम्ने जोखिम हुन्छ ।

रक्तप्रवाहमा पुग्ने अवरोधका कारण उच्च रक्तचाप र हृदयघातको खतरा बढेर जान्छ । अध्ययनकर्ताका धुम्रपान गर्ने मानिसमा रगतको नली साँघुरो भएर रगतको प्रवाह कम हुन्छ, जसकारण कहिलेकाहीं मस्तिष्कमा रगतको आपूर्ति सहज रूपमा हुन सक्दैन । र, यसले गर्दा स्ट्रोक हुने सम्भावना बढी हुन्छ । त्यसैअनुसार ५० वर्षमुनिका मानिसले दिनमा २० वटाभन्दा बढी चुरोट पिएमा मस्तिष्कघातको जोखिम दुई गुणाले बढ्ने अध्ययनले बताएको छ ।

विश्व स्ट्रोक संगठन (डब्लुएसओ)को तथ्यांकअनुसार धुम्रपानले स्ट्रोकको जोखिम निश्चित रूपमा बढाउने बताइएको छ । चुरोटमा पाइने विषाक्त रसायनले कोषिकालाई क्षति गरेर मुटु पम्प गर्न असहजता सिर्जना गर्छ । जसले स्ट्रोक निम्त्याउन सक्छ । त्यस्तै इ–क्लिनिकल मेडिसिनमा भर्खरै प्रकाशित एक अध्ययनअनुसार धुम्रपान गर्ने मानिसहरूलाई स्ट्रोकको उच्च जोखिम देखाएको छ ।

धुम्रपानले पेटलाई हानि गर्छ ?

धुम्रपानले पेटका लागि पनि उत्तिकै हानिकारक छ । धेरैलाई थाहा नहुन सक्छ । यसले पाचन प्रणालीलाई पनि क्षति पुर्‍याउँछ । धुम्रपान गर्ने बित्तिकै निकोटिन र सुर्ती मुख, घाँटी र पेटमा पुग्छ । यसले कब्जियत, अपच, ग्यास, एसिडिटी, भोक नलाग्ने जस्ता धेरै समस्या निम्त्याउँछ । मधुमेहको जोखिम पनि बढ्छ ।

धुम्रपानबाट हुने अन्य समस्या

धुम्रपानले रगतमा अक्सिजनको कमी हुनुका साथै रगतको प्रवाह पनि कम गर्छ । धुम्रपानले रगतलाई गाढा बनाउँछ, जसले रगत जम्ने जोखिम हुन्छ । जसकारण रक्तचाप बढ्नुका साथै कोलेस्टेरोल पनि बढ्न थाल्छ ।

यसले फोक्सोसँग सम्बन्धित समस्या निम्त्याउनुका साथै मधुमेहको जोखिम पनि बढाउँछ । ब्रोन्काइटिस (श्वासप्रश्वाससम्बन्धी रोग) को साथै यसले घाँटी सम्बन्धित अन्य समस्या पनि निम्त्याउन सक्छ ।

कतिपयले स्वास्थ्यका लागि दिनको एक खिल्ली चुरोट पनि सुरक्षित मानिंदैन । सरल भाषामा धेरै चुरोट पिउनुहुन्छ भने यसले शरीरलाई बढी हानि पुर्‍याउँछ र कम चुरोट पिएमा वा धुम्रपान छोड्न सकेमा यसले स्वास्थ्यलाई कम हानि पुर्‍याउँछ । त्यसैले यदि तपाईंले दिनमा १०–१५ वा २० वटा चुरोट पिउने बानी छ भने यो बानीलाई तुरुन्तै बदल्नुपर्छ । यस्तो अवस्थामा धुम्रपान पूर्णतया छोड्नु लाभदायिक हुन्छ ।

तत्काल स्वस्थ हुने लाभ

धुम्रपान त्याग्न सकेमा तुरुन्तै स्वास्थ्यमा सकारात्मक प्रभाव देखिन थाल्छ । यसले रगतमा कार्बन मोनोअक्साइडको स्तर कम गर्छ । कार्बन मोनोअक्साइड एक किसिमको ग्यास हो । यसले रगतमा रहेको हेमोग्लोबिनबाट अक्सिजनलाई हटाउने काम गर्छ । जसकारण मुटुको धड्कन र रक्तचाप सामान्य हुँदै जान्छ ।

यो पनि पढ्नुहोस

‘चुरोट खाने व्यक्तिको हड्डी भाँचिए जोडिन कठिन हुन्छ’

श्वासप्रश्वास प्रणालीमा सुधार

धुम्रपान छाडेको केही हप्ताभित्रै श्वासप्रश्वास प्रणालीमा सुधार हुन थाल्छ । यसले फोक्सोको काममा सुधार गर्छ, जसले सास फेर्न गाह्रो हुने र खोकी लाग्ने जस्ता लक्षणहरूलाई कम गर्छ । यसबाट अन्य संक्रमणको जोखिमलाई पनि कम हुन्छ ।

रोगप्रतिरोधात्मक क्षमता बढ्छ

धुम्रपानले रोगप्रतिरोधात्मक क्षमता प्रणालीलाई हानि गर्छ, तर धुम्रपान छोड्दा प्रतिरक्षा प्रणालीमा सुधार हुन्छ । यसले श्वासप्रश्वासको संक्रमणलाई कम गर्नुका साथै अन्य विभिन्न रोगविरुद्ध लड्ने र सुरक्षा गर्ने काम गर्छ । र, समग्र स्वास्थ्यमा सुधार गर्छ ।

स्वाद र गन्ध सुधार

धुम्रपानले गन्ध र स्वादलाई असर गर्छ, तर धुम्रपान छोडेपछि भने क्षति वा कमजोर भएको इन्द्रियहरू फेरि सक्रिय हुँदै जान्छ । र, वास्तविक पुन स्वाद, गन्ध थाहा पाउन सक्ने हुँदै जान्छ ।