‘लापता लेडिज’देखि ‘कपिल शर्मा शो’सम्म यो साता रिलिज भए ओटीटीमा

काठमाडौं । यो साता ओटीटी प्लाटफर्ममा नयाँ फिल्म र सिरिज रिलिज भएका छन् । गत महिना हलमा रिलिज हुँदा राम्रो समीक्षा प्राप्त गरेको बलिउडको ‘लापता लेडिज’देखि हलिउडको ‘कुङ्फु पाण्डा ४’ पनि यो साता स्ट्रिमिङ भइरहेको छ ।

तपाईंले घरमै बसीबसी आफूले सब्सक्राइब गरेका ओटीटी प्लाटफर्ममा यी फिल्म र श्रृंखला हेर्न सक्नुहुन्छ । यो साता स्ट्रिम हुन थालेका फिल्म र श्रृंखलाको सूची यस्तो छ ।

लापता लेडिज – नेटफ्लिक्स

किरण राव निर्देशित यो फिल्मले सन् २००१ को काल्पनिक थलो निर्मल प्रदेशको कथा पेश गर्छ । ‘लापता लेडिज’ दुईजना दुलही फूल र पुष्पाको कथा हो, जो रेल यात्राको क्रममा संयोगवश अदलाबदली हुन्छन् । एउटीलाई अर्को दुलहाले घर लैजान्छ । अर्को जोडी रेल स्टेसनमा फसेको छ । किसन नामका एक प्रहरी अधिकारीले घटनाको अनुसन्धानको जिम्मा आफैं लिन्छन् । यसले समीक्षक र दर्शकबाट सकारात्मक प्रतिक्रिया पाएको थियो ।

टिल्लु स्क्वायर – नेटफ्लिक्स

सिद्धु जोन्नालगड्डा र अनुपमा परमेश्वरनले यो रोमान्टिक क्राइम–कमेडी फिल्ममा अभिनय गरेका छन् । यो फिल्म डीजे टिल्लु (२०२२) को सिक्वेल हो । सिद्धु यसमा डीजे टिल्लुको भूमिकामा छन् । अनुपमाले उनको प्रेम रुचि लिलीको भूमिका निर्वाह गर्छिन् । अघिल्लो भागले जस्तै यो फिल्मले समस्याबाट मुक्त हुन जोडीले गरेको संघर्ष दर्शाउँछ ।

द ग्रेट इण्डियन कपिल शर्मा शो : नेटफ्लिक्स

आमिर खान ‘द ग्रेट इन्डियन कपिल शो’को पछिल्लो एपिसोडमा देखिने तयारीमा छन् । यो शोमा आमिर पहिलोपटक देखिन लागेका हुन् । यो एपिसोडको प्रोमो बुधबार रिलिज भइसकेको छ । तपाईंले नियमित रुपमा यो शो हेर्नुहुन्छ भने रमाइलोका लागि तयार हुनुस् । आमिरले शोमा आफ्ना छोराछोरीले उनको कुरा सुन्दैनन् भन्ने गुनासो गरेका छन् ।

क्र्याक : डिज्नी प्लस हटस्टार

विद्युत जामवालको एक्सनले भरिएको यो थ्रिलर फिल्मलाई आदित्य दत्तले निर्देशन गरेका हुन् । यो फिल्म मुम्बईको बस्तीबाट भूमिगत खेलकुदको संसारसम्म मुख्य पात्रले गर्ने व्यक्तिको कथा हो । साथै, उसले आफ्नो भाइ बेपत्ता हुनुको कारण पनि पत्ता लगाउँछ । यो फिल्ममा अर्जुन रामपाल, नोरा फतेही र एमी ज्याक्सनको पनि अभिनय छ ।

द फेमिली स्टार – प्राइम भिडियो

विजय देवरकोंडा र मृणाल ठाकुरको अभिनय रहेको यो पारिवारिक फिल्म गोवर्धन र इन्दुको वरिपरि घुम्छ । देवरकोंडाले यसमा गोवर्धन पात्रको भूमिका निर्वाह गरेका छन् जो परिवारको सुख शान्तिको लागि लागिपर्छ । कथा अघि बढ्दै जाँदा उसको इनकाउन्टर उसको लभ–इन्ट्रेस्ट बनेकी ठाकुरसँग हुन्छ । साथै, पारिवारिक मान्छेको रोमान्टिक पाटोलाई पनि यसमा चित्रण गरिएको छ । यो फिल्म अमेजन प्राइममा रिलिज भएको छ ।

यसबाहेक ‘कुङफु पाण्डा ४’ बुकमाई शोमा रिलिज भएको छ ।