२१ वैशाख, काठमाडौं । सरकारले वैदेशिक रोजगार बचतपत्र मार्फत १ अर्ब आन्तरिक ऋण उठाउने भएको छ ।
२३ वैशाखदेखि २२ जेठसम्म जारी हुने उक्त बचतपत्रमा वैदेशिक रोजगारीमा रहेको वा रोजगारीबाट फर्केको ६ महिना नपुगेका नेपालीले आवेदन दिन सक्नेछन् ।
५ वर्ष अवधिको उक्त बचतपत्रमा वार्षिक ९ प्रतिशत ब्याज पाइने र अर्धवार्षिक रुपमा ब्याज भुक्तानी हुने सार्वजनिक ऋण व्यवस्थापन कार्यालयले जनाएको छ ।
बचतपत्रमा न्यूनतम १० हजार र बढीमा १० हजारले निशेष भाग जानेगरी आह्वान गरीएको रकमसम्म आवेदन दिन सकिनेछ ।
बचतपत्र मुलुक बाहिर रोजगारीमा संलग्न वा मुलुक बाहिरको रोजगारीबाट फर्केको ६ महिना नपुगेका नेपाली नागरिक वा गैरआवासीय नेपाली नागरिकले आफू वा आफ्नो परिवारको सदस्यको नाममा खरिद गर्न सक्नेछन् ।
बचतपत्र धितो राखी बैंक तथा वित्तीय संस्थाबाट कर्जा लिन वा दिन सकिने, जुनसुकै समयमा दोस्रो बजार मार्फत खरिद बिक्री गर्न सकिने सूचनामा उल्लेख छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4