![](https://www.onlinekhabar.com/wp-content/uploads/2024/05/laguausdh-sahit-pakrau-yubk.jpg)
३० वैशाख, जनकपुरधाम । धनुषाबाट लागुऔषध खैरो हेरोइनसहित दुई युवक पक्राउ परेका छन् ।
पक्राउ पर्नेमा महोतरीको बर्दिबास नगरपालिका २ का २३ वर्षीय दिपक महतो र २८ वर्षीय सुभाष परियार छन् ।
दुवै जनालाई शनिबार अपराहन्न साढे ४ बजेको समयमा पूर्वपश्चिम लोकमार्ग अन्तर्गत धनुषाको मिथिला नगरपालिका ९ बडहडीबाट प्रहरीले चेकजाँचको क्रममा पक्राउ गरेको हो ।
दुवै जनाको साथबाट ४.२ ग्राम खैरो हेरोइन जस्तो देखिने लागूपदार्थ बरामद गरेको जिल्ला प्रहरी कार्यालय धनुषाका सूचना अधिकारी उपेन्द्र खरेलले जानकारी दिए ।
दुवै जनालाई इलाका प्रहरी कार्यालय ढल्केबरमा राखेर थप अनुसन्धान गरिरहेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै
पुराना
लोकप्रिय
ट्रेन्डिङ
Advertisment
प्रतिक्रिया 4