राष्ट्रियस्तरका ८० प्रतियोगिता गरिने, डन्डिबियो र घोडचढीलाई प्रवर्द्धन गर्ने
![२०८१ जेठ १५ गते १८:४८](https://www.onlinekhabar.com/wp-content/themes/onlinekhabar-2021/img/clock-icon.png)
![राष्ट्रियस्तरका ८० प्रतियोगिता गरिने, डन्डिबियो र घोडचढीलाई प्रवर्द्धन गर्ने](https://www.onlinekhabar.com/wp-content/uploads/2022/02/Dandibiyo-Sketch.jpg)
१५ जेठ, काठमाडौं । सरकारले आगामी आर्थिक वर्ष २०८१/०८२ मा ८० वटा राष्ट्रियस्तरका खेलकुद प्रतियोगिता आयोजना गर्ने घोषणा गरेको ५ ।
अर्थमन्त्री वर्षमान पुनले मंगलबा र संसदमा बजेट भाषण गर्दै आगामी आर्थिक वर्षमा ८० वटा राष्ट्रियस्तरका खेलकुद प्रतियोगिता आयोजना गर्ने घोषणा गरेका हुन् ।
सबैका लागि खेलकुदको अवसर सिर्जना गरिने भन्दै अर्थमन्त्री पुनले महिलाको पहुँच पनि बढाइने बताए ।
बजेटमा खेलकुदको आधारभूत तालिमको व्यवस्था गरिने पनि बजेटमा उल्लेख गरिएको छ ।
एसियाली र दक्षिण एसियाली खेलकुदका लागि राष्ट्रिय टिम तयारी गर्ने, खेलकुदमा उत्कृष्ट नतिजा निकाल्ने खेलाडीलाई प्रोत्साहन गर्ने घोषणा गरिएको छ ।
नेपालको परम्परागत बागचाल, डन्डिबियो, घोडचरी जस्ता खेललाई प्रवर्द्धन गर्नुका साथै आधुनिक प्रविधिसँग जोडिएका खेलकुद प्रतियोगिता आयोजना गर्ने अर्थमन्त्री पुनले घोषणा गरेका छन् ।
प्रतिक्रिया 4