बागमती प्रदेश स्केटिङ तथा स्केट बोर्डिङ संघको अधिवेश सम्पन्न
२०८१ जेठ २१ गते १८:३७ 
२१ जेठ, काठमाडौं । बागमती प्रदेश स्केटिङ तथा स्केट बोर्डिङ संघको प्रथम अधिवेशन सम्पन्न भएको छ ।
अधिवेशनले प्रकाश श्रेष्ठको अध्यक्षतामा १९ सदस्यीय समिति गठन गरेको छ ।
संघको वरिष्ठ उपाध्यक्षमा समन घिमिरे, उपाध्यक्षमा सुमन कट्टेल, सन्तोष सापकोटा, विकास लामा, महासचिवमा साजन देउजा चयन भएका छन् ।
सचिवमा विमल कार्की, सहसचिवमा माइकल प्रजा, कोषाध्यक्षमा अनिश बानियाँ चुनिए ।
सदस्यमा राम दाहाल, सफल तामाङ, शंकर तिवारी, आरती लामा, बिपिन कुइँकेल, रमेशकुमार कार्की, विनोद महर्जन, रिमा रसाइली, विभूषा बजगाईं र सन्जीव भट्टराई चयन भए ।
स्केटिङ तथा स्केट बोर्डिङ साहसिक खेल भएकाले अन्तर्राष्ट्रिय जगतलाई समेत केन्द्रित गर्न सकिने र नेपालले यसको अग्रसरता लिनुपर्ने कुरामा अधिवेशनमा सहभागी वक्ताहरूले जोड दिएका थिए ।
संघ ५ वटा प्रदेश र ४४ वटा जिल्ला प्रादेशिक संरचनाअन्तर्गत गइसकेको केन्द्रीय सचिव दिनेश बजगाईंले जानकारी गराए ।
प्रतिक्रिया 4