कोशीको नीति कार्यक्रममा कांग्रेसको टिप्पणी : नारामा राम्रो, कार्यान्वयनमा चुनौती

२१ जेठ, विराटनगर । नेपाली कांग्रेसले कोशी प्रदेश सरकारले प्रस्तुत गरेको आगामी आर्थिक वर्षको नीति तथा कार्यक्रम कार्यान्वयनमा चुनौती रहेको बताएको छ ।

सोमबार प्रदेश सरकारको नीति तथा कार्यक्रम सार्वजनिक भएको थियो । कांग्रेसले नारा राम्रै भए पनि कार्यान्वयन चुनौतीपूर्ण रहेको बताएको छ ।

कांग्रेसका प्रमुख सचेतक गोपाल तामाङले हेर्दा राम्रो देखिए पनि कार्यान्वयन चुनौतीपूर्ण रहेको प्रतिक्रिया दिए । ‘कार्यान्वयनमा गएपछि थाहा हुन्छ । सबै नीति तथा कार्यक्रम सार्वजनिक गर्दा राम्रो हुन्छन् । कार्यान्वयनमा पो चुनौती छ,’ उनले भने ।’

सरकार गठनविरुद्ध सर्वोच्चमा परेको रिट विचाराधीन रहेका कारण यसअघिका बैठक बहिष्कार गरेको कांग्रेस आजको बैठकमा सहभागी भएको थियो ।