खैरो हेरोइन सहित एक युवक पक्राउ

२४ जेठ, काठमाडौं । अवैध लागूऔषध खैरो हेरोइन सहित एक युवक पक्राउ परेका छन् ।

पक्राउ पर्नेमा भारतको बिहार पुर्विया थाना कवास पोष्ट गुडी–१४ का ३० वर्षीय एमडी साहेवजान छन् ।

उनलाई जिल्ला प्रहरी कार्यालय संखुवासभाको टोलीले २.८ ग्राम लागूऔषध र २० हजार रुपैयाँ सहित पक्राउ गरेको हो ।

उनलाई खाँदबारी नगरपालिका–१ टुडिखेल बसपार्कबाट बुधबार पक्राउ गरिएको संखुवासभाका इन्स्पेक्टर रामकुमार लामिछानेले बताए ।

उनी लागूऔषध कारोबारी रहेको प्रहरीले जनाएको छ ।