खगराज अधिकारीको टिप्पणी : प्राडो–पजेरो काण्डको दोस्रो रूप गण्डकीमा देखियो

२८ जेठ, काठमाडाैं । नेकपा एमाले संसदीय दलका नेता खगराज अधिकारीले पजेरो काण्डको दोस्रो रूप गण्डकीमा देखिएको टिप्पणी गरेका छन् ।

सोमबार माओवादीको चुनाव चिह्नबाट निर्वाचित नेपाल समाजवादी पार्टीका फणिन्द्र देवकोटाले फ्लोर क्रस गरेपछि मुख्यमन्त्री सुरेन्द्रराज पाण्डेले विश्वासको मत पाएका छन् । देवकोटाले फ्लोर क्रस गरेपछि एमाले प्रदेश सांसदहरूले नाराबाजी समेत गरेका थिए । तर पाण्डेले बहुमत (३१) मत पाए ।

बैठकपछि सञ्चारकर्मीहरूसँग कुरा गर्दै एमाले संसदीय दलका नेता अधिकारीले कांग्रेसलाई सत्ता बाहेक केही नचाहिएको बताए । शेरबहादुर देउवा प्रधानमन्त्री भएको बेला संसद्‌मा प्राडो पजेरो काण्ड भएको भन्दै उनले भने, ‘त्यसको दोस्रो रूप यहाँ देखियो ।’