३० जेठ, काठमाडौं । कुवेतको एक घरमा आगलागी हुँदा कम्तिमा ४१ जना व्यक्तिको मृत्यु भएको छ ।
मङगाफ जिल्लाको घरमा बुधबार आगलागी हुँदा १२ जनाभन्दा बढी घाइते भएको अलजजीराले उल्लेख गरेको छ । विदेशी कामदारहरू रहेको भवनमा आगलागी भए पनि हालसम्म उनीहरूको राष्ट्रियता भने खुलेको छैन ।
आगलागीमा अधिकांश भारतीय नागरिक परेको बीबीसी हिन्दीले उल्लेख गरेको छ ।
अहिले आगलागी नियन्त्रणमा आएको छ । स्थानीय प्रहरीले आगोको धुँवाबाट निसासिएर धेरैको ज्यान गएको प्रतिक्रिया दिएको छ । एक प्रहरी अधिकृतले भनेका छन्, ‘भवनमा ठूलो संख्यामा विदेशी कामदार थिए । १२ भन्दा बढीलाई घाइते अवस्थामा उद्धार गरिएको छ । धेरैको मृत्यु चाहिं धुँवाले निसासिएर भएको पाइएको छ ।’
कुवेतका उपप्रधानमन्त्री तथा रक्षामन्त्री शेख फहाद अलयुसुफ अलसबाहले घरको मालिकलाई पक्राउ गर्न निर्देशन दिएका छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4