नागरिक लगानी कोषले १४ प्रतिशत बोनस सेयर दिने

३२ जेठ, काठमाडौं । नागरिक लगानी कोषले १४ प्रतिशत बोनस सेयर दिने भएको छ ।

कोषको शुक्रबार बिहान बसेको सञ्चालक समिति बैठकले आर्थिक वर्ष २०७९/८० को मुनाफाबाट वितरण गर्ने लाभांश प्रस्ताव गरेको हो ।

कोषले सेयरधनीलाई हाल कायम चुक्ता पूँजीको १४ प्रतिशत बोनस सेयर र उक्त लाभांशमा लाग्ने कर प्रयोजनका लागि ०.७३६८ प्रतिशत नगद लाभांश सहित १४.७३६८ प्रतिशत लाभांश दिने प्रस्ताव गरेको हो ।

प्रस्तावित लाभांश अर्थ मन्त्रालयबाट सहमति प्राप्त भएर आगामी वार्षिक साधारणसभाबाट पारित भएपछि सेयरधनीलाई वितरण हुनेछ ।