२०८१ जेठ ३२ गते १४:०८ ३२ जेठ, काठमाडौं । किङ्गसटाउनमा नेदरल्याण्ड्सँग खेल्नुअघि बंगलादेशको अभ्यास सत्रका लागि सकिब अल हसन घाँटीमा सर्भिकल कोलर (पट्टी) लगाएर पुगे । उनलाई चोट लागेको त होइन ? उनले घाँटीमा पट्टी लगाएरै अभ्यास गरे ।
वास्तवमा उनी ठीक छन् । उनी सर्ट हान्ने क्रममा हाफ्नो टाउको सही पोजिसनमा राख्ने प्रयासमा थिए ।
उनका यो (टाउकोलाई सही पोजिसनमा राख्ने) समस्या २०२३ को एकदिवसीय विश्वकपको समयदेखि नै समस्या थियो । बंगलादेश प्रिमियर लिगमा पनि ।
यो विश्वकपमा श्रीलंकाविरुद्ध ८ र दक्षिण अफ्रिकाविरुद्ध मात्र ३ रन बनाए । दुवै पटक उनी बाउन्सरमा आउट भए ।
बंगलादेशका टप अर्डर ब्याट्सम्यानको फर्म पनि चिन्ताको विषय थियो । नेदरल्याड्स विरुद्धको खेलमा उनी मैदानमा जाँदा टिमको स्कोर ३.१ ओभरमा २३/२ थियो ।
नेदरल्याण्ड्सलाई हराउनु बंगलादेशका लागि महत्वपूर्ण थियो, सकिबलाई पनि रन बनाउनुपर्ने थियो । उनलाई त्यो थाहा थियो ।
सुरुमा तान्जिद हसनले राम्रो सर्टहरू खेलिरहेका थिए । उनले महमुदुल्लालाई पनि ठूलो सर्ट खेल्न दिए । अनि आफूले पनि अर्धशतक पूरा गरे ।
टी–२० आईमा यो उनको अक्टोबर २०२२ पछिको पहिलो अर्धशतक थियो भने टी–२० विश्वकपमा २०१६ पछि । सकिब र जाकर अलीले छैठाैं विकेटका लागि अविजित २९ रनको साझेदारी गर्दा बंगलादेशले ५ विकेटको क्षतिमा १५९ रन बनायो ।
राम्रो योगफल तयार गर्ने क्रममा बंगलादेशले सुरुवाती पावरप्लेमा पनि ५४ (२ विकेट गुमाएर) रन बनाएको थियो, अन्तिमको ५ ओभरमा पनि ५० रन बनाएको थियो ।
ऋषद हुसनले (३३ रनमा ३ विकेट) र मुस्तफिजुर रहमान (१–१२) को महत्वपूर्ण विकेटको मदतमा बंगलादेशले २५ रनको जित निकाल्यो । अब सुपर ८ को सम्भावना बढ्यो ।
खेलपछि सकिबले भनेका छन्, ‘मलाई लाग्छ हामीले विकेटलाई राम्ररी बुझ्यौं । सुरुमा ब्याटिङ गर्न सहज थिएन, तर बल पुरानो भएपछि सहज हुँदै गयो ।’
‘दोस्रो इनिङमा विकेट सहज थियो । तर हाम्रा बलरहरूले जबर्जस्त काम गरे । ऋषद र फिजले आफ्नो पछिल्लो ओभरमा खेलको मोमेन्टम नै परिर्वतन गरिदिए’ अन्तिममा आक्रामक बलिङले बंगलादेशलाई जित दिलाएको सकिब मान्छन् ।
हुन पनि १४. ३ ओभरमा १११ रन जोड्दा नेदरल्याण्ड्सले ३ विकेट मात्र गुमाएको थियो ।
तर १३४/८ मा इनिङ सकायो । ‘१२ ओभरसम्म खेल ५०–५० कमा थियो । (जितको) श्रेय मुस्तफिजुर र ऋषदलाई जान्छ, उनीहरूले त्यो अवस्थामा राम्रो बलिङ गरे’ सकिब भन्छन्, ‘हाम्रो बलिङ युनिटले पछिल्लो समय राम्रो प्रदर्शन गरिरहेका छन्, खासगरी फास्ट बलरहरूले । ऋषदलाई समावेश गर्नु पनि फाइदाजनक रह्यो ।’
सकिबले ४६ बलमा अविजित ६४ रन बनाए ।
यसअघि उनले रन बनाउन सकेका थिएनन् । सट बलमा उनको कमजोरी देखिएको थियो ।
श्रीलंका र दक्षिण अफ्रिकाविरुद्ध छिट्टै आउट भएका कारण उनको आलोचना समेत भएको थियो । अलराउण्डर भए पनि उनी हालसम्म विकेटविहीन छन् ।
सकिब भने आफू व्यक्तिगत लक्ष्य लिएर नभई टीमका लागि खेलेको बताउँछन् । ‘एउटा खेलाडी जवाफ आएको हुँदैन, उसले टिमलाई योगदान गरेको हुनुपर्छ’ उनले भने, ‘यदि उ लक्की रह्यो भने विकेट लिन्छ । उसको काम रन बचाउने र क्याच लिने पनि हो । यसमा थप भन्नुपर्ने केही छैन ।’
क्रिकइन्फोको सहयोगमा
प्रतिक्रिया 4