सेयर बजार बढ्यो, फाइनान्समा उच्च वृद्धि

५ असार, काठमाडौं । बुधबार सेयर बजारको परिसूचक नेप्से २.२७ अंक बढेको छ । सो अंकको वृद्धिपछि नेप्से २०७८ अंकमा कायम भएको छ ।

नेप्से बढे पनि कारोबार रकम घटेको छ । अघिल्लो दिन ४ अर्ब ५ करोड रुपैयाँको कारोबार भएकोमा आज ३ अर्ब ४० करोडमा खुम्चियो । १३५ कम्पनीको मूल्य बढ्दा १०४ को घट्यो भने ८ को स्थिर रह्यो ।

फाइनान्स समूहको सूचक सबैभन्दा धेरै २.६२ प्रतिशत (५८ अंक) बढ्यो । बैंकिङ १.६, हाइड्रोपावर ८.५, माइक्रोफाइनान्स ६.८, निर्जीवन बीमा १८.८ र अन्य समूह २.५ अंक बढे । विकास बैंक ५.२, होटल तथा पर्यटन समूह १९, जीवन बीमा १३, उत्पादन २८ र व्यापार समूह ३८ अंक घटे ।

नेपाल फाइनान्स र समाज लघुवित्तको मूल्य करिब १० प्रतिशत बढ्यो । कुथेली बुकरी स्मल हाइड्रोपावरको ९.३, मन्दाकिनी हाइड्रोपावरको ८.२ सामलिङ पावरको ८, आत्मनिर्भर लघुवित्तको ७.३, सिर्जनशील लघुवित्तको ६.८, विन नेपाल लघुवित्तको ६.५ प्रतिशत मूल्य बढ्यो ।

मनकामना स्मार्ट लघुवित्तको मूल्य ९.८ प्रतिशत घट्यो । दिव्यश्वरी हाइड्रोपावरको २.३ प्रतिशत घट्यो ।

कारोबार रकमका आधारमा नेपाल फाइनान्स, गोर्खाज फाइनान्स, ग्लोबल आईएमई लघुवित्त वित्तीय संस्था, सीईडीबी हाइड्रोपावर र हिमालयन लघुवित्त वित्तीय संस्था क्रमशः अगाडि रहे ।