ललितपुरमा ईभी प्रयोग गर्नेलाई सम्पत्ति करमा छुट

५ असार, काठमाडौ । ललितपुर महानगरपालिकाले विधुतीय सवारीसाधन (ईभी) प्रयोग गर्ने महानगरवासीलाई सम्पत्ति करमा छुट दिने भएको छ ।

आगामी आव २०८१/८२ को नीति तथा कार्यक्रममा ललितपुर महानगरले वायुप्रदूषण न्यूनीकरण गर्ने उद्देश्य सहित ईभी प्रयोगमा प्रोत्साहन दिन यस्तो नीति लिएको जनाएको छ ।

विद्युतीय सवारीसाधन प्रयोग गर्ने ललितपुर महानगरवासीले सम्पति कर छुट माग गरेमा ५ प्रतिशत सम्पति कर छुट दिइने उल्लेख छ ।

महानगरका सवारी साधनमा समेत यो नीति लागु गर्न आवश्यक व्यवस्था गरिने महानगरको नीति तथा कार्यक्रममा छ ।