![](https://www.onlinekhabar.com/wp-content/uploads/2024/06/bhaktapur-nagarsava2081.jpg)
७ असार, काठमाडौं । भक्तपुर नगरपालिकाले आगामी आर्थिक वर्ष २०८१/८२ को नीति तथा कार्यक्रम ल्याएको छ ।
नगरपालिकालका प्रमुख सुनिल प्रजापतिले शुक्रबार प्रस्तुत गरेको नीति तथा कार्यक्रममा प्रविधिमैत्री विद्युतीय सेवालाई जोड दिइएको छ ।
नेपाल मजदुर किसान पाटीले जितेको एक मात्रै स्थानीय तह भक्तपुरमा नगरप्रमुख प्रजापतिले प्रस्तुत गरेको नीति तथा कार्यक्रममा अनलाइनमार्फत नक्सापास प्रक्रिया सुरु गर्नेदेखि जीपीएस प्रणाली सहितको ठेगाना लागु गरिने उल्लेख छ ।
‘करदाताहरूलाई कर बुझाउन सहजताका लागि क्यूआर कोडमार्फत अनलाइन राजस्व संकलनको व्यवस्था गरिने छ,’ नीति तथा कार्यक्रममा उल्लेख छ ।
आन्तरिक एवम् वाह्य पर्यटक आगमन वृद्धिलाई ध्यानमा राखेर नगरका महत्त्वपूर्ण ठाउँहरूमा क्रमशः निःशुल्क वाइफाइको व्यवस्था गरिने उल्लेख छ । नगरपालिकाको ख्वपः टेलिभिजन सञ्चालन गर्ने समेत घोषणा गरेको छ ।
घर घरबाट निस्किने कुहिने फोहरबाट प्राङ्गारिक मल सीएनबीएम प्रविधिबाट निर्माण कार्य गर्दै आएकोमा थप व्यवस्थित गरी किसानहरूलाई वितरण गरिने कार्यक्रममा उल्लेख छ ।
नगरपालिकामार्फत उत्पादित कम्पोस्ट मल प्रयोग विधिबारे किसानहरूलाई आवश्यक तालिम दिई कम्पोस्ट मल प्रयोग गर्न प्रोत्साहित गरिने कार्यक्रममा छ ।
हेर्नुहोस् पूर्णपाठ :
प्रतिक्रिया 4