रूपसिंहले न्युजिल्यान्ड च्याम्पियनसिप खेल्ने
२०८१ असार ७ गते २०:५३ 
७ असार, काठमाडौं । आईटीएफ तेक्वान्दो खेलाडी रूपसिंह तामाङले दोस्रो आईटीएफ अन्तर्राष्ट्रिय न्युजिल्याण्ड च्याम्पियनसिप खेल्ने भएका छन् ।
जुन २४ देखि २६ सम्म न्युजिल्याण्डमा हुने अन्तर्राष्ट्रिय न्युजिल्याण्ड च्याम्पियनसिपमा रूपसिंहले नेपालबाट सहभागिता जनाउने भएका हुन् ।
न्युजिल्याण्डको हास्टिङ स्पोर्टस् सेन्टरमा हुने प्रतियोगितामा ५० भन्दा बढी देशका खेलाडी तथा अफिसियल सहभागी हुनेछन् ।
बिहीबार राष्ट्रिय खेलकुद परिषद्का सदस्य सचिव टंकलाल घिसिङ र बोर्ड सदस्य अन्जन धमलाले तामाङलाई बिदाइ गरेका थिए । उनी शुक्रबार न्युजिल्याण्ड प्रस्थान गरेका छन् ।
आईटीएफ तेक्वान्दो पाँचौं डान रहेका तामाङले आईटीएफको दुई वर्ल्ड च्याम्पियनसिपमा सहभागिता जनाइसकेका छन् ।
प्रतिक्रिया 4