ट्रिप एडभाइजरको उत्कृष्ट गन्तव्यको २४ औं स्थानमा पर्‍यो काठमाडौं

११ असार, काठमाडौं । विश्वका धेरै व्यक्तिले मन पराउने पर्यटकीय गन्तव्यमा नेपालको काठमाडौं २४ औं स्थानमा परेको छ ।

ट्रिप एडभाइजर डटकम नामक वेवसाइटले विश्वभरका पर्यटकहरुको रोजाइका आधारमा सार्वजनिक गरेको उत्कृष्ट पर्यटकीय गन्तव्यको सूचीमा काठमाडौं २४ औं स्थानमा परेको हो ।

उत्कृष्ट गन्तव्यको पहिलो नम्बरमा भने दुबई परेको छ । ट्रिप एडभाइजरले नेपालको राजधानी काठमाडौं ऐतिहासिक सम्पदा, पुराना मठमन्दिर र रमाइलो गाउँहरुले भरिएको ठाउँ भनेको छ ।

नेपाल कार्पेट र चित्रकलाका लागि प्रख्यात ठाउँ भएको पनि उल्लेख गरिएको छ । ट्रिप एडभाइजरकै नेचर डेस्टिनेसनमा भने काठमाडौं पहिलो स्थानमा परेको छ ।