कोपा अमेरिकामा क्यानडाको पहिलो जित
![२०८१ असार १२ गते ७:४३](https://www.onlinekhabar.com/wp-content/themes/onlinekhabar-2021/img/clock-icon.png)
![कोपा अमेरिकामा क्यानडाको पहिलो जित](https://www.onlinekhabar.com/wp-content/uploads/2024/06/canada-vs-peru.gif)
१२ असार, काठमाडौं । कोपा अमेरिका २०२४ मा क्यानडाले दश खेलाडीमा समेटिएको पेरुलाई १-० ले पराजित गरेको छ ।
पहिलो पटक कोपा अमेरिका फुटबलमा सहभागी भएको क्यानडाको यो पहिलो जित समेत हो । यसअघि पहिलो खेलमा क्यानडा साविक विजेता अर्जेन्टिनासँग पराजित भएको थियो ।
कान्सास सिटीमा भएको खेलमा क्यानडालाई जित दिलाउन जोनाथन डेभिडले ७४औं मिनेटमा एक गोल गरे ।
त्यसअघि ५९औं मिनेटमा मिगुएल अराउजोले रातो कार्ड पाउँदा पेरु दश खेलाडीमा समेटिएको थियो ।
जितपछि क्यानडा दुई खेलबाट ३ अंक जोड्दै समूह ए को दोस्रो स्थानमा छ ।
प्रतिक्रिया 4