कर्णालीलाई हराउँदै लुम्बिनी सेमिफाइनलमा
![२०८१ असार १२ गते १३:४५](https://www.onlinekhabar.com/wp-content/themes/onlinekhabar-2021/img/clock-icon.png)
![कर्णालीलाई हराउँदै लुम्बिनी सेमिफाइनलमा](https://www.onlinekhabar.com/wp-content/uploads/2021/05/Asian-Woman-Volleyball.jpg)
१२ असार, काठमाडौं । पहिलो सहाना प्रधान यू १९ महिला तथा पुरुष भलिबल प्रतियोगितामा कर्णाली प्रदेशलाई ३–० को सोझो सेटमा हराउँदै लुम्बिनी प्रदेश सेमिफाइनल प्रवेश गरेको छ ।
लुम्बिनीले कर्णालीलाई २५–१३, २५–१४ र २५–१६ मा हराएको हो । यससँगै समूह ए बाट सेमिफाइनल प्रवेश गर्ने दुवै टिमको टुंगो लागिसकेको छ ।
पहिलो खेलमा लुम्बिनीले मधेश प्रदेशलाई ३–० ले पराजित गरेको थियो । कोशीले भने सोमबार मधेश प्रदेश र मंगलबार कर्णाली प्रदेशलाई हराउँदै सेमिफाइनल यात्रा तय गरिसकेको छ ।
आजको खेलमा लुम्बिनीसँग पराजित भएसँगै कर्णाली र मधेश प्रदेश भने प्रतियोगिताको उपाधि दौडबाट बाहिरिसकेका छन् ।
पुरुषतर्फ आज बागमती र कर्णालीको खेल ३ बजे र गण्डकी र लुम्बिनी बीचको खेल ५ बजे हुनेछ ।
प्रतिक्रिया 4