बागमतीसँग पराजित भएसँगै सुदूरपश्चिम बाहिरियो, सेमिफाइनल समीकरण पूरा
![२०८१ असार १२ गते १४:१६](https://www.onlinekhabar.com/wp-content/themes/onlinekhabar-2021/img/clock-icon.png)
![बागमतीसँग पराजित भएसँगै सुदूरपश्चिम बाहिरियो, सेमिफाइनल समीकरण पूरा](https://www.onlinekhabar.com/wp-content/uploads/2024/06/bagmati-vs-sudhurpaschhim.png)
१२ असार, काठमाडौं । बागमती प्रदेशसँग ३–० को सोझो सेटले पराजित हुँदै सुदूरपश्चिम प्रदेशको महिला टिम पहिलो सहाना प्रधान यू १९ भलिबल प्रतियोगिताबाट बाहिरिएको छ ।
बुधबार त्रिपुरेश्वरस्थित दशरथ रंगशाला कभर्ड हलमा बागमतीले सुदूरपश्चिमलाई २५–१६, २५–१० र २५–६ ले हराएको हो ।
यससँगै समूह बी बाट बागमती प्रदेश समूह विजेता र गण्डकी प्रदेश उपविजेताको रूपमा सेमिफाइनल खेल्नेछन् ।
आज भएको समूह ए अन्तर्गतको खेलमा कर्णाली प्रदेशलाई हराउँदै लुम्बिनी प्रदेश पनि सेमिफाइनल पुगिसकेको छ ।
त्यस्तै समूह ए बाट कोशी प्रदेश पनि सेमिफाइनल प्रवेश गरिसकेको छ । आज पुरुषतर्फ बागमती प्रदेश र कर्णाली प्रदेश दिउँसो ३ बजे भिड्नेछन् भने ५ बजे गण्डकी र लुम्बिनीबीच खेल हुनेछ ।
प्रतिक्रिया 4