लक्ष्मी सनराइज बैंकको शाखा ललितपुरको नखिपोटमा

काठमाडौं । लक्ष्मी सनराइज बैंकले ललितपुरको नखिपोटस्थित विशाल चोकबाट सेवा दिन सुरु गरेको छ ।

काठमाडौं महानगरपालिका-२२ स्थित न्युरोडमा रहेका २ शाखामध्ये एउटा शाखा ललितपुर महानगरपालिका-१४ स्थित नखिपोटको विशाल चोकमा स्थानान्तरण गरी आफ्ना ग्राहकलाई सेवा दिन सुरु गरेको हो ।

न्युरोड शाखाका ग्राहकले भने सोही ठाउँमा रहेको अर्को शाखा मार्फत सेवा लिन सक्ने बैंकले जनाएको छ ।

स्थानान्तरण भएको शाखाले ग्राहक तथा व्यवसायीलाई सबै प्रकारका रिटेल बैँकिङ सेवाहरु प्रदान गर्ने बैंकको भनाइ छ ।

हाल लक्ष्मी सनराइज बैंकको सञ्जालमा ५९ जिल्लामा २५४ शाखा, ३१६ एटिएम, २८ एक्स्टेन्सन काउन्टर र १२८ शाखारहित बैंकिङ एजेन्ट रहेका छन् ।