भेनेजुएला लगातार दुई खेल जित्दै कोपा अमेरिकाको क्वाटरफाइनलमा
२०८१ असार १३ गते १०:४७ 
१३ असार, काठमाडौं । लगातार दुई खेल जित्दै भेनेजुएला कोपा अमेरिका-२०२४ को क्वाटरफाइनलमा प्रवेश गरेको छ ।
समूह बी अन्तर्गत बिहीबार बिहान भएको खेलमा मेक्सिकोलाई १-० ले पराजित गर्दै भेनेजुएलाले अन्तिम आठमा स्थान पक्का गरेको हो ।
क्यालिफोर्नियास्थित सोफी स्टेडियममा भएको खेलमा भेनेजुएलालका लागि सालोमन रोन्डोनले ५७औं मिनेटमा पेनाल्टीबाट गोल गरे ।
मेक्सिकोले खेलमा बराबरी गर्ने अवसर पाएपनि सदुपयोग गर्न सकेन ।
८७ मिनेटमा मेक्सिकोका ओर्बेलिम पिनेडाले हानेको पेनाल्टी प्रहार भेनेजुएलाका गोलकिपर राफेल रोमोले बचाए ।
लगातार दुई जितबाट भेनेजुएला ६ अंक जोडेर समूहको क्कीर्ष स्थानमा छ । उसले पहिलो खेलमा इक्वेडरलाई हराएको थियो ।
इक्वेडर र मेक्सिकोको समान ३ अंक छ । अब यी दुईबीच हुने अन्तिम खेलबाट क्वाटरफाइनल पुग्ने अर्को टोली टुङ्गो लाग्नेछ ।
लगातार दुई हार बेहोरेको जमैका भने एक खेल अगावै समूह्य चरणबाट बाहिरिएको छ ।
प्रतिक्रिया 4