छोरा जुनैदको बलिउड डेब्यु फिल्मलाई आमिर खानले कस्तो प्रतिक्रिया दिए ?

काठमाडौं । आमिर खानका छोरा जुनैद खानले फिल्म ‘महाराज’ बाट बलिउड डेब्यु गरे । यो फिल्म अहिले नेटफ्लिक्समा स्ट्रिमिङ भइरहेको छ । फिल्मलाई लिएर जुनैदको प्रशंसा भइरहेको छ ।

यस्तोमा उनका बुबा सुपरस्टार आमिर खानले पनि आफ्नो प्रतिक्रिया दिएका थिए । बुबाले दिएको प्रतिक्रियाबारे जुनैदले मिडियासँग कुराकानी गरेका छन् ।

१४ जुनदेखि नेटफ्लिक्समा स्ट्रिमिङ भइरहेको ‘महाराज’ उत्तरदायित्वको मुद्दामा आधारित छ । फिल्मबारे समीक्षक र दर्शकले मिश्रित प्रतिक्रिया दिएका छन् । आमिरलाई छोराको यो फिल्म मन परेको छ ।

तर यो कुरा बेग्लै रहेको जुनैदले बताए । खासमा आमिर आफ्नो बाहेक अरुको फिल्मलाई एक आम दर्शकको नजरबाट हेर्छन्, जबकि फिल्मको पूरापूर आनन्द लिन सकियोस् । त्यसकारण उनलाई हरेक कुरा मनपर्छ । आफ्नो फिल्म बाहेक अरुको फिल्मलाई आमिरले यस्तै प्रतिक्रिया दिने छोरा जुनैदले बताए ।

उनले अगाडि भने, ‘मेकर्सले बुबालाई यो फिल्म देखाएका थिए । धेरै डिस्कसन चाहिं बुबासँग हुन पाएन । किन यो उहाँको फिल्म होइन । आफ्नै काममा व्यस्त हुनुहुन्छ । केही सुझाव भने बुबाले दिनुभएको थियो । मेकर्सले केही माने, केही इग्नोर गरिदिए ।’

सिद्धार्थ पी मल्होत्रा निर्देशित फिल्ममा जुनैदका साथै जयदीप अह्लावत र शालिनी पाण्डेको मुख्य भूमिका छ ।