*जाजरकोटमा पहिरोले पुरिंदा छोराको मृत्यु, बुवा घाइते

१७ असार, सुर्खेत । जाजरकोटमा पहिरोले पुरिंदा एक बालकको मृत्यु भएको छ भने एक जना घाइते भएका छन् ।

भेरी नगरपालिका-४ इवरमा पहिरोले पुरिंदा पाँच वर्षीय प्रिन्स विकको मृत्यु भएको हो । उनका बुबा रमेश घाइते भएका छन् ।

जिल्ला प्रहरी कार्यालय जाजरकोटका प्रमुख पुरुषोत्तमप्रसाद सापकोटाका अनुसार बाबुछोरा पहिरोले घरमै च्यापिएका थिए ।

प्रिन्सको घटनास्थलमै मृत्यु भएको सापकोटाले बताए ।  घाइते रमेशको जिल्ला अस्पतालमा उपचार भइरहेको छ ।

*जाजरकोट हुनुपर्नेमा अन्यथा भएकोले सच्याइएको छ । – स.