तथ्यांकमा रोमानियासामु बलियो नेदरल्यान्ड्स
२०८१ असार १८ गते १०:१८ 
१८ असार, काठमाडौं । रोमानियाले युरो २०२४ को अन्तिम १६ को खेलमा आज नेदरल्यान्ड्सको सामना गर्दैछ । यो यस्तो खेलको शृंखला हो, जसमा अधिकांश समय नेदरल्यान्ड्स बलियो सावित हुने गरेको छ ।
तर, अहिलेसम्म नेदरल्यान्ड्सको प्रदर्शन राम्रो हुन सकेको छैन् । आफ्नो समूहको तेस्रो स्थानमा रहेर नेदरल्यान्ड्स नकआउट चरणमा पुगेको हो । रोमानिया भने समूह विजेता हुँदै आएको हो । यस खेलसँग जोडिएका तथ्यांक यस प्रकार छन् :
– रोमानियाले धेरैको अपेक्षाविपरीत आफ्नो समूहको शीर्ष स्थान कब्जा गरेको थियो । यसको प्रमुख कारण युक्रेनमाथि रोमानियाको प्रभावशाली जित थियो ।
– नेदरल्यान्ड्स पनि आफ्नो पहिलो खेलमा पोल्यान्डविरुद्ध पुर्नआगमन जित त रच्यो, तर त्यसपछि फ्रान्स र अस्ट्रियाविरुद्ध राम्रो गर्न सकेन् ।
– यो खेलको विजेताले अन्तिम आठमा अस्ट्रिया अथवा टर्कीको सामना गर्नेछ । सम्भावना के तयार छ भने सम्भवतः नेदरल्यान्ड्स र अस्ट्रियाबीचकै खेल दोहरिएर हुन सक्नेछ ।
– युरोमा रोमानिया नकआउट चरण पुगेको यो दोस्रो पटक मात्रै हो । यसअघि सन् २००० मा रोमानिया क्वाटरफाइनलसम्म पुगेको थियो ।
– नेदरल्यान्ड्स भने सन् १९८८ को विजेता हो ।
– यी दुई टिमबीचका १४ खेलमा नेदरल्यान्ड्स दशपल्ट विजयी रहेको छ । नेदरल्यान्ड्समाथि रोमानियाको एक मात्र जित सन् २००७ को युरो छनोटमा आएको थियो ।
प्रतिक्रिया 4