माछापोखरीबाट हराएका पुरुष एक सातासम्म भेटिएनन्

२० असार, काठमाडौं । माछापोखरीबाट हराएका एक पुरुष एक सातासम्म भेटिएका छैनन् ।

इलामको फाकफोकथुम गाउँपालिका–६ का ६० वर्षीय राम श्रेष्ठ १४ असारमा बेपत्ता भएका थिए । श्रेष्ठका छोरा सुजनका अनुसार उनी अघिल्लो दिन १३ असारमा मात्रै इलामबाट काठमाडौं आएका थिए ।

बाहिर घुुम्न निस्कन्छु भनेर दिउँसो साढे २ बजे निस्केका थिए । त्यसयता उनी वेपत्ता भएका हुन् । मोबाइल घरमै चार्जमा राखेर उनी निस्केका थिए । बाबु वेपत्ता भएपछि खोजिगरिन भन्दै प्रहरी वृत्त बालाजु र जिल्ला प्रहरी परिसर टेकुमा निवेदन दिए पनि अहिलेसम्म पत्ता नलागेको उनले बताए ।

प्रहरीले भने उनको खोजी भइरहेको जनाएको छ । मोबाइल घरमै छाडेर निस्केकाले पत्ता लगाउन समस्या भएको प्रहरीको भनाइ छ । वेपत्ता श्रेष्ठलाई कसैले फेला पारेमा नजिकैको प्रहरी कार्यालय वा आफन्तलाई खबर गर्न प्रहरीले अनुरोध गरेको छ ।