कांग्रेसले बोलायो संसदीय दलको बैठक

२० असार, काठमाडौं । नेपाली कांग्रेसले संसदीय दलको बैठक बोलाएको छ । बैठक शनिबार दिउँसो ३ बजे संघीय संसद भवन नयाँबानेश्वरमा बस्ने छ ।

आइतबार बोलाइएको संसद बैठकमा प्रभावकारी उपस्थिति जनाउन र बदलिँदो राजनीतिक परिस्थितिबारे सांसदहरुलाई जानकारी दलको बैठक बोलाइएको नेपाली कांग्रेसले जनाएको छ ।

प्रतिनिधि सभाको बैठक असार २३ गते बिहान ११ बजे बोलाइएको छ ।