युनाइटेडका प्रशिक्षक टेन हागको सम्झौता नवीकरण, २०२६ सम्म क्लबमै रहने
२०८१ असार २० गते १७:१४ 
२० असार, काठमाडौं । म्यानचेष्टर युनाइटेडका प्रशिक्षक एरिक टेन हागले सम्झौता नवीकरण गरेका छन् ।
हागले सम्झौता नवीकरणमा हस्ताक्षर गरेपछि उनी २०२६ सम्म युनाइटेडमै रहनेछन् । सन् २०२२ मा प्रशिक्षक नियुक्त भएका टेन हागको यसअघिको सम्झौता २०२५ मा सकिने थियो ।
डच क्लब आयाक्सबाट युनाइटेड पुगेका हागले ओल्ड ट्राफोर्ड दुई वर्ष बिताउँदा दुई ट्रफी जितेका थिए । ‘सँगै काम गर्ने विषयमा क्लबसँग सहमति हुँदा म एकदमै खुशी छु,’ ५४ वर्षीय टेन हागले भने ।
पछिल्लो दुई वर्षमा दुई ट्रफी जितेको उनले बताए । हागले अझै पनि कडा मिहिनेत गर्नुपर्ने कुरामा स्पष्ट हुनुपर्ने जोड दिए ।
प्रतिक्रिया 4