२०८१ असार २३ गते ६:०० 
२३ असार, काठमाडौं । डिगमसिंह चेम्जोङ र लाली तामाङले पारा तथा विशेष खेलकुदअन्तर्गत पारा टेबलटेनिसमा शनिबार स्वर्ण जितेका छन् ।
ह्विलचेयरको सिंगल्सतर्फ पुरुषमा डिगम र महिलामा लाली पहिलो भएका हुन् ।
राष्ट्रिय खेलकुद परिषद् (राखेप) को आयोजना तथा नेपाल शारीरिक अपाङ्ग टेबलटेनिस संघको व्यवस्थापनमा भएको प्रतियोगिताको पुरुषमा अर्पण सुनुवार दोस्रो तथा केशव थापा र विरु ढुंगाना तेस्रो भए । महिलामा सोनिका ढकाल दोस्रो तथा संगीता माझी र धनकुमारी घर्ती तेस्रो बने ।
जोरपाटीमा भएका प्रतियोगिताको स्टेन्डिङतर्फ पुरुष सिंगल्समा विवेक राईले स्वर्ण, स्वीकृत न्यौपानेले रजत तथा सुशील गौतम र मिलन पौडेलले कांस्य जिते ।
सो स्पर्धाको महिलामा पूजा सोती पहिलो, विनिता मगर दोस्रो तथा हरिकला भण्डारी र अनु थापा तेस्रो स्थानमा रहे ।
प्रतियोगितामा ७५ खेलाडी सहभागी थिए ।
प्रतिक्रिया 4