![](https://www.onlinekhabar.com/wp-content/uploads/2024/07/maoist-samsad-Lekhanath-Dahal-1024x683.jpg)
२५ असार, काठमाडौं । नेकपा माओवादी केन्द्रका सांसद लेखनाथ दाहालले आफ्नो पार्टीसँगको सहकार्य किन तोडिएको भन्नेबारेमा एमाले अध्यक्ष केपी शर्मा ओलीले जवाफ दिनुपर्ने माग गरेका छन् ।
ओलीकै प्रस्तावमा ४ महिना अगाडि एमाले र माओवादीका बीचमा सहकार्य सुरु भएको उल्लेख गर्दै उनले प्रधानमन्त्ती प्रचण्डले ‘के गर्नुपर्नेमा के गर्न सकेनन् र गठबन्धन तोडिएको हो ‘ त्यो पनि बताइदिन भनेका छन् ।
‘मैले यही मञ्चबाट प्रश्न गर्नुपर्छ कमरेड केपी ओलीलाई, यहाँले जुन उद्देश्यसहित सहकार्य सुरु गर्नुभयो । अहिले कुन उद्देश्यले केन्द्रित भएर सहकार्य तोड्नुभयो ?’ मंगलबार प्रतिनिधि सभाको बैठकमा बोल्दै दाहालले भने ।
चार महिना अगाडि नै कम्युनिस्ट जनमतल निराश भएकाले सहकार्य गरौं भनेर एमाले अध्यक्ष ओलीले प्रस्ताव गरेको र उक्त प्रस्तावलाई माओवादी अध्यक्ष समेत रहेका प्रधानमन्त्री प्रचण्डले स्वीकार गरेको बताए ।
तर, अहिले आएर सहकार्य तोडिनुको स्पष्ट कारण थाहा पाउन नसकेको उनले बताए । नेपाल धितोपत्र बोर्डको अध्यक्षको नियुक्ति नै गठबन्धन तोडिएको हो भन्ने उनको प्रश्न छ ।
वा नक्कली भुटानी शरणार्थी प्रकरण लगायतका विषय अगाडि बढेपछि गठबन्धन फेरिएको हो भन्ने उनको प्रश्न छ ।
ओलीले विगतमा पनि सरकारको नेतृत्व गरेको र झण्डै दुई तिहाइ बहुमतसहितको सरकारको नेतृत्व समेत गरेको बताए । ‘उहाँ सरकारमा जाादा ७ खर्ब ऋण थियो । सरकारबाट फर्किँदा १८ खर्ब पुग्यो । ११ खर्ब ऋण नेपालको बढेको छ’ सांसद दाहालले भने ।
ओली नेतृत्वको सरकारकै पालामा भएको भ्रष्टाचारका फाइलहरु समेत खुल्न थालेपछि सरकार फेरिएको हो भन्ने उनको आशंका छ ।
प्रतिक्रिया 4