एआईको जथाभावी प्रयोगले के-पप संगीत उद्योगलाई कता लैजाला ?

के-पप प्रशंसकलाई अहिले एउटा समस्याले विभाजित गरिरहेको छ । त्यो हो, कृत्रिम बौद्धिकता (एआई) ।

हरेक विधाका ठूला स्टारले सांगीतिक भिडियो सिर्जना गर्न र गीत लेखनका लागि अहिले एआई प्रविधिको उपयोग गरिरहेका छन्, जसमा युवकहरुको ब्याण्ड ‘सेभेन्टिन’ लगायत छन् ।

गत वर्ष के–पप क्षेत्रमा १६ मिलियन प्रति एल्बम बिक्री भए । यो बिक्री के–पपको इतिहासमा सर्वाधिक हो । । जसमध्ये हालैको एल्बम ‘माएस्ट्रो’ हो, जसलाई लिएर अहिले संगीतप्रेमीहरुबीच चर्चा भइरहेको छ ।

उक्त म्युजिक भिडियोमा एआईले सिर्जना गरेका दृश्य समावेश छन् । सियोलमा एल्बम सार्वजनिक गर्न आयोजित समारोहमा ब्याण्डका सदस्य वूजीले आफूले गीत लेख्ने क्रममा एआईको प्रयोग गरेको कुरा मिडियालाई बताएका थिए ।

‘हामीले एआईमार्फत गीत बनाउने अभ्यास गर्‍यौं, किनभने हामी प्रविधिलाई गुनासो गर्नुको साटो प्रविधिसँगै विकसित हुन चाहन्छौं,’ उनले भने ।

‘यो एउटा प्राविधिक विकास हो, जसबाट हामीले लाभ उठाउनुपर्छ, असन्तुष्टि मात्र होइन । मैले एआई प्रयोग गर्ने अभ्यास गरें । साथै, फाइदा र बेफाइदा खोज्ने प्रयास गरें,’ उनले भने ।

के–पपलाई लिएर हुने सामाजिक सञ्जालका छलफल पृष्ठमा प्रशंसकले प्रविधिलाई सामान्यीकरण गर्नुअघि थप नियमन जरुरी रहेको बताउने गरेका छन् ।

यसबारे एसले पेराल्टासहितका कट्टर प्रशंसक एआईको प्रयोगलाई लिएर बढी उत्साहित छिन् । ‘यदि एआईले कलाकारलाई रचनात्मक बनाउन मद्दत गर्न सक्छ भने त्यो मेरो लागि ठीक छ,’ उनी भन्छिन् ।

यद्यपि, उनको चिन्ता यो हो कि एआईबाट सिर्जना गरिएका गीतको फ्यानले आफ्ना मनपर्ने संगीतकारसँग सम्पर्क गुमाउनेछन् ।

‘संगीत कलाकार र उनीहरूको भावनाको प्रतिबिम्ब हो र मलाई यो कुरा मनपर्छ,’ उनी भन्छिन्, ‘के–पप कलाकार धेरै सम्मानित हुनेछन् जब उनीहरुले नृत्य निर्देशन, गीत लेखन र सिर्जनामा हात हाल्छन्, किनभने तपाईंले त्यसमा उनीहरुको विचार र भावनाको एक टुक्रा पाउनुहुनेछ ।’

‘एआईले प्रशंसक र कलाकारलाई जोड्ने त्यो महत्वपूर्ण पक्षलाई टाढा लैजान सक्छ,’ उनी भन्छन् ।

एसले आफ्नो सबैभन्दा मिल्ने साथी चेल्सी टोलेडोसँग ‘स्पिल द सोजु’ नामक एक के-पप फ्यान पडकास्ट प्रस्तुत गर्छिन् । आफूहरु स्वउत्पादन गर्ने समूह भएकोमा उनीहरुले प्रशंसा गर्छिन्, जसको मतलब उनीहरूले आफ्नै गीतहरू लेख्छन् र कोरियोग्राफ पनि गर्छन्, तर उनी एआईले त्यो प्रतिष्ठामा प्रभाव पार्नेबारे चिन्तित छिन् ।

के–पपको गीत सिर्जनामा काम गर्ने कलाकारले नयाँ प्रविधि अँगाल्ने कुरा कुनै अचम्मको विषय होइन ।

क्रिस नायर्न एक निर्माता, संगीतकार र गीतकार हुन्, जो आजोदी नामक लेबलअन्तर्गत काम गरिरहेका छन् । विगत १२ वर्षमा उनले किम वुजिन र प्रमुख एजेन्सी एसएम इन्टरटेनमेन्ट लगायत के–पप कलाकारका लागि गीत लेखेका छन् ।

ब्राइटनमा बस्ने क्रिसले के–पप स्टारसँग काम गर्नु भनेको दक्षिण कोरियामा धेरै समय बिताउनु हो, जसलाई उनी प्रगतिशील संगीत उद्योगको रुपमा टिप्पणी गर्छन् ।

‘मैले सियोलमा ह्याङआउट गरेर के सिकेको छु भने कोरियाली नवीनतामा अग्रणी छन् । तिनीहरू हामी कसरी एक कदम अघि हुनसक्छौं भन्ने कुरामा चासो दिन्छन् । यो स्वभाव त्यहाँ हिट छ, जब म त्यहाँ थिएँ,’ उनले भने ।

के एआई के–पपको भविष्य हो ?

क्रिस निश्चित रहेको बताउँछन् । एआईबाट गीत सिर्जना गर्ने कलाकारले गीतहरु पर्याप्त बलियो भएको महसुस गर्दैनन् ।

‘एआईले राम्रो गुणस्तरका नतिजा ल्याउँदैछ । जब तपाईं आफैं नयाँ आविष्कार र सिर्जना गर्नुहुन्छ । यो राम्रो कुरा हो । एआईले पहिले नै अपलोड भइसकेका कुराहरू लिएर काम गर्छ । त्यसैले आफैंले नयाँ गर्न सक्दैन,’ उनी भन्छन् ।

अर्पिता आध्या एक संगीत पत्रकार र आफूलाई के–पपको सुपरफ्यान बताउँछिन् । उनी संगीत उद्योगमा एआईको प्रयोगले कलाकारलाई नयाँ सामग्री सिर्जना गर्न दबाब हुने बताउँछिन् ।

के–पपमा एआईलाई सामान्यकरण गरिएको उनी बताउँछिन् । यसको उदाहरण कभर गीतको रुपमा युट्युबमा आएको बाढीलाई हेरे पुग्छ । फ्यानले अर्को कलाकारको आवाज नक्कल गर्दै यस्तो ट्रयाकको सिर्जना गरेका छन् ।

अर्पिता के–पपमा एआईको प्रयोगलाई लिएर नियमन भएको हेर्न चाहन्छिन्, जुन कुरा पश्चिमा कलाकारले आह्वान गरिसकेका छन् । गत महिना मात्र बिली इलिश र निकी मिनाज लगायतका मेगास्टारले संगीत उद्योगमा एआईको ‘सिकारी’ प्रयोग रोक्नका लागि खुलापत्र लेखेका थिए ।

बीबीसीबाट