२०८१ असार २७ गते १७:०५ 
अण्डा उच्च प्रोटिन र पोषक तत्व भरपुर पाइने खानेकुरा हो । जिम वा शारीरिक व्यायाम गर्नेहरुका ला त अण्डा अपरिहार्य डाइट हो । तर गर्मीयाममा धेरै अण्डा खानु स्वास्थ्यका लागि हानिकारक पनि हुनसक्ने चिकित्सकहरु बताउँछन् ।
अण्डा प्राकृतिक रुपमै गर्मी बढाउने चीज भएकाले यसले पाचनसम्बन्धी समस्या समेत ल्याउन सक्छ । त्यसैले गर्मी मौसममा अण्डाको अधिक सेवन हिट स्ट्रोक अर्थात् लूको कारण समेत बन्न सक्छ । अण्डामा प्रोटिन, भिटामिन बी र डीसहित अन्य महत्वपूर्ण पोषक तत्व पाइन्छ, त्यसैले गर्मीयाममा एक-दुईवटा अण्डा खानु पर्याप्त हुन्छ ।
पहेंलो भागसहित दुईवटा अण्डा खाँदा शरीरलाई आवश्यक न्युट्रिसन प्राप्त हुन्छ । तर हरेक बिहान धेरै मात्रामा अण्डा खाने बानी भएकाले भने सावधानी अपनाउनै पर्छ । धेरै अण्डा खाँदा स्वास्थ्यमा नकारात्मक असर पुर्याउँछ ।
गर्मी बढाउँछ
अण्डामा उच्च प्रोटिन हुने भएकाले यसले प्राकृतिक रुपमै गर्मी गराउँछ । त्यसैले गर्मी मौसममा अण्डा खाँदा थप गर्मी महसुस हुन्छ । गर्मीमा अण्डाको अत्यधिक सेवनले हिट स्ट्रोकको खतरा हुनुका साथै नाकबाट रगत समेत बग्न सक्छ ।
पाचनसम्बन्धी समस्या
अधिक अण्डा सेवनले पाचन प्रक्रियामा पनि असर पुर्याउन सक्छ । जसकारण अपच, पेट गडबडी र ग्यास भरिने समस्या हुनसक्छ । केही व्यक्तिमा पेट दुखाइ, बान्ता लगायत समस्या हुनसक्छ ।
डिहाइड्रेसनको समस्या
गर्मीमा त्यसै पनि शरीरमा पानीको कमी भएको महसुस भइरहन्छ । अण्डा खाँदा डिहाइड्रेसनको समस्या अझ बढ्न सक्छ । अण्डा खाएपछि शरीरमा तापक्रम बढ्ने भएकाले पसिना धेरै निस्किन्छ । जसकारण डिहाइड्रेसनको समस्या बढ्न सक्छ ।
एलर्जी हुनसक्छ
गर्मीमा धेरै अण्डा खाँदा कतिपय व्यक्तिमा एलर्जीको समस्या समेत आउन सक्छ । जसकारण छाला विभिन्न चिलाउने रोग पनि निम्त्याउन सक्छ ।
कोलेस्टेरोल बढ्न सक्छ
अण्डाको पहेंलो भागमा उच्च मात्रामा कोलेस्टेरोल हुन्छ । पहिलेदेखि नै कोलेस्टेरोल उच्च भएका बिरामीले त अण्डा नै नखानु उत्तम हुन्छ । यसले मुटुरोगको समेत जोखिम बढाउन सक्छ ।
एजेन्सीको सहयोगमा
प्रतिक्रिया 4