२०८१ साउन १३ गते १६:४० 
१३ साउन, काठमाडौं । पेरिस ओलम्पिक २०२४ अन्तर्गत पौडीमा नेपालकी डुवाना लामा हिट चरणबाटै बाहिरिएकी छन् ।
महिला २०० मिटर फ्रि–स्टाइलमा प्रतिस्पर्धा गरेकी डुवानाले निर्धारित दूरी २ मिनेट २०.७४ सेकेण्डमा पूरा गरिन् ।
हिट १ मा प्रतिस्पर्धा गरेकी उनी आफ्नो हिटमा सातौँ (अन्तिम स्थान) भइन् ।
डुवानाले पहिलो पटक ओलम्पिकमा सहभागिता जनाएकी थिइन् ।
डुवानाकी प्रशिक्षक नयना शाक्यले नतिजा ल्याउन नसके पनि खराब स्वास्थ्य अवस्थाका कारण राम्रो खेलेको प्रतिक्रिया दिएकी छन् ।
‘डुवानाको तीन दिनअघि हिंड्दाहिंड्दै खुट्टामा समस्या आएपछि स्वास्थ्य परीक्षण गराउँदा एन्कलमा पुरानै समस्या बल्झिएको देखियो । खुट्टा सुन्निएको थियो,’ शाक्य भन्छिन्, ‘तीन दिनको उपचार र फिजियाथेरापीपछि खेल्न सक्ने अवस्था भएको हो । त्यसैले उसको समय सोचे अनुसारको आउन सकेन । यस्तो अवस्थामा पनि डुवानाले साहसिक प्रदर्शन गरेकी छन् ।’
प्रतिक्रिया 4