+
+

टीआरसी कार्यदलको प्रतिवेदन तयार, भोलि शीर्ष नेतालाई बुझाउने

अनलाइनखबर अनलाइनखबर
२०८१ साउन २२ गते १९:४७

२२ साउन, काठमाडौं । सङ्क्रमणकालीन न्यायसम्बन्धी (टीआरसी) विधेयकमा सहमति जुटाउन गठित कार्यदलले कार्यदलस्तरको प्रतिवेदनलाई अन्तिम रुप दिएको छ ।

कार्यदल सदस्य एवं नेकपा एमालेका मुख्य सचेतक महेश बर्ताैलाका अनुसार तयार भएको प्रतिवेदन बुधबार शीर्ष तीन नेतालाई बुझाइने छ ।

प्रधानमन्त्री केपी शर्मा ओली, नेपाली कांग्रेसका सभापति शेरबहादुर देउवा र नेकपा माओवादी केन्द्रका अध्यक्ष पुष्पकमल दाहाल प्रचण्डलाई बुधबार बिहान ११ बजे बुझाउने तय भएको छ ।

प्रधानमन्त्री ओलीको सचिवालयका अनुसार प्रधानमन्त्री तथा मन्त्रिपरिषदको कार्यालयमा बिहान ११ बजे तीन नेताले कार्यदलको प्रतिवेदन बुझ्ने तय भएको छ ।

१३ असारमा गठन भएको कार्यदलमा एमालेबाट बर्तौला, कांग्रेसबाट रमेश लेखक र माओवादीबाट जनार्दन शर्मा सदस्य थिए ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?