काठमाडौंमा डोल्पा (तस्वीरहरू)

जगदुल्ला गाँउपालिकाम अवस्थित जगदुल्ला ताल । यो ताल समुन्द्री सतहदेखि ४ हजार ७ सय मिटर उचाइमा रहेको छ ।

२७ साउन, काठमाडौं । काठमाडौंमा डोल्पाका तस्वीर, भिडियोका साथै स्थानीय सामग्रीको प्रदर्शन जारी छ ।

शब्द, दृश्य, चित्र र उत्पादनका माध्यमबाट संघीय राजधानीलाई कर्णाली जोड्ने भन्दै ‘कनेक्टिङ कर्णाली’ अभियानअन्तगर्त डोल्पा जिल्लाको प्रर्दशनी सुरु गरिएको हो ।

आन्तरिक तथा बाह्य पर्यटकको रोजाइमा रहेको डोल्पा जिल्ला झल्कने गरी काठमाडौंमा तस्वीर, भिडियो, डोल्पा जिल्लामा उत्पादित सामग्रीहरू प्रर्दशनी सुरु भएको छ ।

मनघरी फाउण्डेशनको आयोजनामा नयाँ बानेश्वरस्थित एनबी सेन्टरको उमोजा क्याफेमा शनिबारदेखि सुरु भएको प्रर्दशनी आगामी सोमबारसम्म जारी रहने छ ।

संघीय राजधानीमा कर्णाली प्रदेशका जिल्लाहरुलाई शब्द, चित्र र भिडियोका साथै कर्णालीमा उत्पादित सामग्रीहरू मार्फत कर्णालीका सम्भावना र सुन्दरतालाई पस्कने क्रममा असार महिनामा दैलेखको प्रर्दशनी गरेका थियो भने साउन महिनामा डोल्पा जिल्ला प्रर्दशन गर्न लागिएको कनेक्टिङ कर्णालाका परिकल्पनाकार मनघरी फाउण्डेशनका अध्यक्ष भरतबन्धु थापाले बताए ।

प्रर्दशनीमा डोल्पा जिल्लामा अवस्थित धार्मिक, पुरातात्विक, प्राकृतिक सुन्दरतासहित डोल्पा जिल्ला झल्कने गरी ३ वटा तस्वीरकासाथै डोल्पा जिल्लाई केन्द्रित गरी कर्णाली झल्कने भिडियो प्रर्दशनी र उत्पादित सामग्री प्रर्दशनीमा राखिएको आयोजकले जनाएको छ ।

अहिले देशको सबैभन्दा स्वच्छ उद्योगका रुपमा पर्यटन क्षेत्र नै छ ।

जुन क्षेत्रका लागि कर्णाली प्रदेश विल्कुल नयाँ गन्तव्य बन्न सक्ने अथाह सम्भावना छन् । तर तिनिहरुको उचित प्रचार प्रसार हुन सकेको छैन, यही कुरालाई मनन् गर्दै कार्यक्रम गर्न लागेको अध्यक्ष भरतबन्धु थापाले बताए ।

प्रर्दशनीमा टेक शाहीका ४ वटा तस्वीर, जगे बुढाका २ वटा तस्वीर र डा सुरज उपाध्याय, रामचन्द्र बस्नेत, रामचन्द्र न्यौपाने र डब्लु डब्लु एफको एक/एक वटा तस्वीर रहेको छ भने बाँकी तस्वीरहरु भरतबन्धु थापा रहेका छन् । प्रर्दशन गरिएका भिडियोहरु टेक शाही र मनघरी फाउण्डेशनले तयार पारेका हुन् ।

फोक्सुन्डो ताल

शे–फोक्सुन्डो राष्ट्रिय निकुञ्ज भित्र अवस्थित यो ताल ३ हजार ६११ मिटरको उचाइमा डोल्पा जिल्लामा अवस्थित छ । यस तालको लम्बाइ ४.८ कि मी, चौडाइ १.६ किमि कान्जिरोवा हिमालको काखमा अवस्थित यो ताल वाई आकारको छ ।